Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 1.112.2 | Hdt. 1.113.3 (English) | >>Hdt. 1.114.5 |
1.113.1
κάρτα τε ἔδοξε τῷ βουκόλῳ πρὸς τὰ παρεόντα εὖ λέγειν ἡ γυνή , καὶ αὐτίκα ἐποίεε ταῦτα · τὸν μὲν ἔφερε θανατώσων παῖδα , τοῦτον μὲν παραδιδοῖ τῇ ἑωυτοῦ γυναικί , τὸν δὲ ἑωυτοῦ ἐόντα νεκρὸν λαβὼν ἔθηκε ἐς τὸ ἄγγος ἐν τῷ ἔφερε τὸν ἕτερον ·
1.113.2 κοσμήσας δὲ τῷ κόσμῳ παντὶ τοῦ ἑτέρου παιδός , φέρων ἐς τὸ ἐρημότατον τῶν ὀρέων τιθεῖ . ὡς δὲ τρίτη ἡμέρη τῷ παιδίῳ ἐκκειμένῳ ἐγένετο , ἤιε ἐς πόλιν ὁ βουκόλος , τῶν τινα προβοσκῶν φύλακον αὐτοῦ καταλιπών , ἐλθὼν δὲ ἐς τοῦ Ἁρπάγου ἀποδεικνύναι ἔφη ἕτοιμος εἶναι τοῦ παιδίου τὸν νέκυν .
1.113.3 πέμψας δὲ ὁ Ἅρπαγος τῶν ἑωυτοῦ δορυφόρων τοὺς πιστοτάτους εἶδέ τε διὰ τούτων καὶ ἔθαψε τοῦ βουκόλου τὸ παιδίον , καὶ τὸ μὲν ἐτέθαπτο , τὸν δὲ ὕστερον τούτων Κῦρον ὀνομασθέντα παραλαβοῦσα ἔτρεφε ἡ γυνὴ τοῦ βουκόλου , οὔνομα ἄλλο κού τι καὶ οὐ Κῦρον θεμένη .
ch. 114
1.114.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 1.112.2 | Hdt. 1.113.3 (English) | >>Hdt. 1.114.5 |